梁朝偉早前被周刊拍得「雨夜𠝹女」的照片，仍獲女友劉嘉玲支持，公開表示彼此感情生活很開心。不過，偉仔昨日坦言對「𠝹女」字眼反感，他說：「講我𠝹女太肉酸！」
梁朝偉早前撇下女友劉嘉玲，與一名短髮靚女在中環約會，不過他仍獲女友劉嘉玲支持，她強調二人十三年情未變。但偉仔昨日與陳冠希（Edison）、余文樂、黃秋生和林家棟出席在尖沙嘴舉行的《無間道》宣傳活動時，被問到與嘉玲的感情問題，偉仔顯得不欲多談，只說了一句：「OK啦！」
對於該次約會被形容為雨中「𠝹女」，偉仔覺得反感，他說：「哎！冇乜好講，講我𠝹女太肉酸，亦都相當影響香港傳媒聲譽。嗰晚只係同個朋友飲嘢就叫做𠝹女，我唔會因為咁而唔同其他女仔一齊，我都有朋友㗎！我同佢只係朋友關係，真係害咗人，我自己做呢行就冇所謂，算啦！唔想再講呢件事。」
有報道指偉仔減價拍嘉禾賀歲片《行運超人》，其後嘉禾發言人澄清指偉仔片酬超過六百萬，偉仔揚言片酬是鐵價不二，難有商量餘地。他說：「係咁上下片酬，大家都知公價，我自己付出咁多都應該收番咁多，冇理由要我減價，佢哋有權選擇，覺得我貴就唔好搵，又唔係用槍指住佢哋。」
此外，一直有傳不和的余文樂與陳冠希同場出現，二人並無交談，不過當司儀歐綺霞（Monique）問余文樂對於飾演少年版劉德華的陳冠希演出有何評價時，余文樂隨意說：「Edison扮得似劉德華。」而Edison亦被問同樣問題，卻答得大方：「梁朝偉有型，余文樂都有型。」
採訪：魯萍 攝影：陳慧安