「我好鍾意動物，無論乜嘢類型，養得嘅我都會養。以前同父母一齊住公屋，養唔到寵物，𠵱家同男朋友搬出嚟住，就可以養番夠本了。」
19歲的Daisy最愛爬蟲類動物，舉凡蜘蛛、蜥蜴、蛇等她都愛不釋手，所以朋友都叫她「蜘蛛女」或「蛇女」。蛇女的400平方呎的小天地裏，就放有約50個缸和籠，讓她的蛇蟲鼠蟻、龍貓、賓尼兔、松鼠狗、倉鼠、龜等都有個安樂窩。
記者：曾順珍 攝影：楊錦文
鳴謝：國際爬蟲精品店
最想攬住
不過講到她最喜愛的，非這隻中美洲綠鬣蜥莫屬。「唔知點解我一見到佢就好鍾意佢，好想快啲養大佢就可以攬住佢，呢種綠鬣蜥最鍾意爬樹，所以我會放佢喺我身上爬，然後摸吓佢個頭，咁佢就會好冧。不過如果你摸得佢唔舒服，佢就會不停『拂』尾表示嬲怒。」
綠鬣蜥
特徵：背脊長滿鰭、皮青而凹凸、手指腳趾又長又瘦
原產地：中美洲
壽命：約10歲
食糧：吃齋，早晚兩餐吃青菜，間中加鈣粉補充營養，零食有士多啤梨和提子等水果
身價：約$180
注意：由於牠是熱帶動物，生長在高溫地方，所以需用一支UV光管照射，天氣凍時還要加一盞射燈照在石或木上，讓牠「曬太陽」。
白化粟米蛇
Daisy養蛇蟲鼠蟻，始於年半前，一次她在街上閒逛，見到這間閣樓爬蟲精品店，便上去看看。「我嘅第一隻寵物係一條白化粟米蛇，因為上年係蛇年，唔少報紙都講蛇，所以引起我嘅興趣。
「佢叫粟米蛇係因為呢種蛇多數喺米倉先會搵到，白化係指佢冇色素，全身白色，最長只有3呎，係特別品種。我見佢嘅花紋同移動嘅姿勢都好靚，所以忍唔住買咗佢返去。有時我會將佢放喺手上周圍纏，有時就一面玩一面睇電視，令佢認得我陣味，咁就唔會咁易咬我。」
白化粟米蛇
原產地：北美洲
特徵：頭形特別，頸部有凹位，全身白色
壽命：一般十多歲
食糧：每4、5日餵食一隻幼鼠
身價：約$700
注意：冬天可在缸中放一張暖氈，千萬不要用射燈照牠，因為蛇不愛光，否則會令牠精神緊張。
千絲萬縷
養完第一條粟米蛇兩星期後，Daisy又買多一隻巴西黑蜘蛛回家，話因為愛牠的黑色絲絨毛，8隻腳和2隻前足行路時配合得好有美感，所以又忍不住又花上六百大元買下來。
「雖然所有蜘蛛都有毒，但呢隻巴西黑蜘蛛比較馴，唔會隨便咬人，可以放喺手上玩。蜘蛛唔會認得人，而養蜘蛛嘅通常都係欣賞佢獵食時嘅姿態。我每次會放4、5隻蟋蟀入缸內，隻蜘蛛就會先將獵物殺死，然後吐絲將佢哋包住，最後先慢慢放入口食。」
巴西黑蜘蛛
原產地：南美
特徵：有8隻腳和2隻前足，全身黑色絲絨毛
壽命：十多歲
食糧：每三日餵一次，年幼餵蟋蟀，長大後吃幼鼠
身價：$600
毒蠍子，Daisy總共有26隻，其中25隻是雨林蠍，1隻是中東金蠍。
「我一啲都唔驚蠍子，反而覺得佢哋幾威猛，因為你唔會用手直接摸佢哋，只會用鐵鉗接觸，只要放喺缸入面，就唔怕佢哋爬出嚟，好安全，只係發惡時會用尾部嘅毒針拮敵人，但我養嘅毒性唔高，俾佢哋拮親會有啲麻痹感，但當然最好都係睇醫生啦。
「其實，原本我只有3隻成年雨林蠍，後來唔知點解佢哋生咗22隻小蠍子，所以我又要立即買20幾個小缸分開放，如果佢哋大啲嘅話，我諗我都要送畀朋友養，因為每次餵食都要逐個缸拎起，都幾麻煩。」
雨林蠍
特徵：顏色黑沉，個拑較大較壯，比中東金蠍較大
原產地：亞洲雨林區
壽命：10歲以上
食糧：每周餵一隻蟋蟀同畀水佢哋飲就得
身價：$100
注意：蠍子唔可以一齊養，因為佢哋會互相廝殺吞食
繁殖粟米蛇
當年，正因她常到爬蟲精品店睇動物，漸漸跟老闆熟絡，最後還當了老闆的秘書。「雖然我冇諗過呢份工係我終身職業，但就諗過繁殖粟米蛇，我𠵱家已開始留意花紋靚嘅，等儲夠數目，就開始試吓繁殖。」