近日，香港車壇爆發減價激戰，當中最熾熱莫過於中型家庭七人MPV。事緣日前日產汽車代理，忽然宣布以14萬9千8（原價$181,800）嘅超值價，推售全新兼設備齊全嘅Prairie現貨，並限售100部，旋即引起車迷嘅迴響，喺唔到兩日內沽清之餘，亦觸發起豐田汽車加入戰團，以更超值嘅13萬9千8（原價$188,000），推出Picnic七人MPV。
然而，豐田代理為免原先購入Picnic嘅買家投訴關係，早兩日特意派員到運輸署將50部全新Picnic先出牌，雖然呢批Picnic嘅準買家，所購得嘅新車唔係零字牌簿，但相對於便宜近5萬嘅車價，便可擁有一部簇新嘅七人MPV噃！就真係想買趁手，皆因連續三日公眾假期，豐田代理睇怕唔會有加推嘅可能，超逾50部認購的話，最後更會以抽籤落實。而最新消息係日產部Prairie卻會加推50部，但車價就要調升多一萬；之不過，想以家庭車嘅價錢，可擁有一部多用途七人MPV的話，就真係要行快步喇！