以前大家都相信，住在警局隔籬實係最安全，皆因啲賊一定唔敢太歲頭上動土。眾所周知，民主黨主席李柱銘嘅鄰居，正係保安局局長葉劉淑儀，應該好放心，點知噚日馬丁就係因為呢樣嘢，被黨友取笑「身處險境」。
話說噚日民主黨開黨內研討會，討論《基本法》二十三條，其中講到警權擴大，警司級以上就可以決定搜查可疑人士住所，何俊仁原本講到好擔心，點知講講吓講到葉劉，佢就話保安局局長日後隨時都可以去佢馬己仙峽道嘅住所隔籬搜查。佢隔籬咪係馬丁？大家諗起到時嘅畫面，都笑個不停，馬丁只好陪笑。重有人話，「最危險嘅地方最安全」應該掉番轉，「最安全嘅地方最危險」就真！
傳真︰2623-9278
電郵︰