「佢唔靚，但好包容」
方中信玩夠至娶莫可欣

外表花弗的方中信，與女友莫可欣拍拖逾七年，在他眼中，可欣雖稱不上漂亮，但她的人品及容人之量，卻令他最為欣賞。至於何時結婚，方中信表示趁現在還算年輕，待玩夠後便會正式迎娶莫可欣。

愛情篇：慶幸找到好對象
三十九歲的方中信，與莫可欣拍拖七年，感情穩定，儘管方中信偶爾會有些緋聞，但也未有影響他與女友的感情。有人認為以方中信的俊朗外形，該找個漂亮點的女友，但在方中信眼中，莫可欣樣子雖不漂亮，但她的大方與包容，才是方中信最欣賞地方。
方中信：方
方：大家一齊成六、七年，佢完全熟悉我嘅脾性，我好享受𠵱家嘅生活，好開心可以搵到一個接受同容忍到自己嘅人。

性格反叛
莫可欣跟方中信剛開始拍拖時，曾經歷過一段艱苦日子，記得當年有報道指方中信前度女友陳淑蘭，因為難以接受方中信跟莫可欣拍拖的事實，某次當她跟莫可欣碰個正着時，一時控制不住掌摑莫可欣，但莫可欣卻未有追究。
方：我知，呢啲係包容，雖然佢（可欣）唔靚，但人品OK，呢方面人夾人緣。
男友外形愈討好，愈令女方缺乏安全感，難道莫可欣不擔心有其他異性主動接近自己的意中人？
方：佢唔擔心！其實佢好醒目，永遠唔會問我同check我，亦唔會嘮叨，偏偏我性格反叛，你愈唔問我，反而令我調番轉頭打電話畀佢，問佢點解唔打電話畀我，嗰種感覺真係幾sweet㗎。不過，講到結婚呢個問題，𠵱家重未係時候，趁自己重算後生，玩夠先啦。

拒提舊事
與莫可欣拍拖以來，女友從未有查看過方中信的電話或是傳呼機，但陳淑蘭卻試過。對於他與陳淑蘭過去的一段情，方中信不想舊事重提，就正如他不喜歡陳淑蘭將往事時常掛在口邊一樣。
方：既然過咗去，咪留喺自己記憶入面，好與唔好都係一個record（記錄），唔需要成日提住，而且成日掛喺口邊，對佢𠵱家嘅男朋友都唔好啦。