八十七歲李定好婆婆月前因為急性腦血管閉塞，情況危殆，經搶救及留醫近兩個月後，情況轉趨穩定，較早前已被轉送入住護老院。「媽媽今次叫做大步檻過，但因為我續唔到期，佢出院之前，我已經返大陸。」婆婆居於內地的孻仔阿明，透過電話對記者說。
身世坎坷的李婆婆，自老伴兩年前肺癌病逝後，跟隨阿明返回內地居住，直至月前因腎衰竭、急性腦血管閉塞，才再度回港。「媽媽雖然有病，但頭腦重好清醒，我記得臨走嗰日，我同佢講再見，佢就不斷咁流眼淚，我想一直喺佢身邊陪住佢，但係身不由己。」四十六歲的阿明歎道。
阿明又透露，他打算儲多一點旅費後，待春節再次申請來港，探望年邁母親。有見李婆婆及阿明境況堪憐，蘋果日報慈善基金月前曾撥款三千元予以協助，另先後把合共三萬零三百八十元的讀者捐款，轉交阿明收妥。
阿明衷心表示：「我實在萬分之感謝香港嘅善長仁翁。」 捐款編號：C0619
暖流熱線
電話:29908688
傳真:23702192
電郵:
網址：