經濟唔好，大學生都未必搵到工。最近一個新成立嘅非牟利團體，專舉行講座同培訓活動，話教啲大學生點樣裝備自己去搵工；大會發言人重話遲啲會邀請一啲形象顧問公司同化妝品公司嘅專業人士做嘉賓，教啲初出茅廬嘅大學生點樣搞好儀容見工。
大會噚日首次舉行講座同埋開幕禮，八方專程去睇吓，但係就發覺個會講啲嘢好空泛，其中一位講者──投資推廣署助理署長溫頌安，講講吓重攞套港府吸引外資來港投資嘅宣傳片出嚟播，硬銷香港乜都好，搞到班一心嚟學嘢搵工嘅學生一頭霧水。
呢個講座為期三日，朝九晚九上足成日課，收五百蚊，只係收回成本咁話。八方覺得，有冇得着，真係見仁見智！
﹙圖﹚投資推廣署助理署長溫頌安
傳真︰2623-9278
電郵︰