九巴董事長陳祖澤九三年棄官從商。佢今日上港台節目《與CEO對話》，講吓營商心得及做人道理。佢話秘訣就係「利用更少資源去做更多工作」，重話喺九年嚟從未試過向同事發脾氣，更未試過拍枱鬧人。
陳祖澤認為自己過人之處係中、英文都好好，因為讀書嗰陣睇戲專揀冇字幕嘅西片，唱歌就選唱歐美流行曲，所以英語水平自然高。
講到家庭生活，佢話夫妻要尊重彼此空間，千萬唔好將公事尤其是機密嘅嘢帶返屋企。重舉例喺草擬中英聯合聲明時，就算發開口夢都唔敢洩露機密。
佢喺節目點咗首《九巴之歌》畀九巴員工，又點咗首《風雨同路》畀香港市民，重建議大家睇吓RobertK.Cooper寫嘅《TheOther90%》，勉勵大眾要為自己訂下目標，勇於接受挑戰，積極發揮潛能。
﹙圖﹚陳祖澤喺《與CEO對話》大談做人道理。
傳真︰2623-9278
電郵︰