《蜘蛛俠》原定3區DVD今個月14號見街，估唔到上個星期底竟突然殺抵碟場！特多附加功能、Bonus片段同全中文介面都係呢張碟嘅強項。
記者、攝影：朱崇德
為哥倫比亞三星影視帶來8億美元收益，又是02年全球最高票房紀錄的《蜘蛛俠》，特別推出了「蜘蛛俠3區限量版禮盒裝」，雙碟內容和普通版完全一樣，但BoxSet大送《AMAZINGFANTASYSPIDERMAN》第15期（1962年）復刻版，此期蜘蛛俠首度在漫畫登場，份外有紀念價值。其他禮品包括電影菲林格和珍藏版畫，全亞洲限量發行2.5萬套，有註明編號的出世紙，兼已經全部派街，一賣晒就等於斷貨！
壁球教練黃先生
「知道《蜘蛛俠》好戲，所以特登戲院上畫時忍住唔睇！等到𠵱家出DVD喇，先用屋企套二十幾萬影院組合，睇真啲、試真啲套戲嘅靚聲靚畫！」
《Spiderman》漫畫迷黃先生
「迷上《蜘蛛俠》都有7、8年時間，覺得呢套《蜘蛛俠》電影特技拍得好、全套戲冇冷場係佢嘅優點，不過綠魔改咗造型同蜘蛛俠改用自身噴出蜘蛛絲，就唔係咁妥當，但都只係小問題，縱觀全劇有八成原著神髓，戲迷必睇！」
1區3區質素相同
哥倫比亞三星亞洲地區總監馬天明
「今次3區版於香港及台灣搶先推出，比美國的1區版還要快一大截，《蜘蛛俠》是我們首隻有全中文介面選擇的DVD，1區同3區母辦都在美國製造，聲畫質素完全一樣，絕大部份Bonus片段都配以中文字幕，睇落份外有親切感。」
經典場面推介：
蜘蛛俠初得異能時，一時私心放走了搶劫匪，後來賊人竟殺了自己的叔父。將蜘蛛俠描繪成不是完美的人，令人感到他更有血有肉！
Disc1小秘技大公開
年代影視GeneralManager姜智偉
「自己係標準《Spiderman》迷，講啲隻碟嘅小秘技你知，Disc1主目錄，按「上」及「Play」就會進入了QuickNavigator選單，全碟所有選項功能及影片選擇一覽無遺。」
經典場面推介：
在紐約市飛簷走壁效果，從未能如此真實重現人前，不過因911而Cut咗嘅世貿一段，今次都係欠奉。
重點推介：
看電影時到特定場景，會有蜘蛛俠標記，按Enter或Play，會馬上開啟隱藏片段，互動味十足！
原作者StanLee談蜘蛛俠
Bonus片段最正係Disc2嘅「Spider-mantheMythologyofthe21Century」，請來原作者StanLee及多位曾畫此書的漫畫家現身說法，由1962年第一集創刊講到21世紀嘅轉變！想知各人心目中最成功嘅奸角是誰？咁你就一定要睇喇！有齊中文字幕。
赤膊排骨蜘蛛俠
重記唔記得蜘蛛俠在雨中英雄救美一段！Disc2的「ScreenTests」內收藏有這一幕的試鏡片段，當時男主角是排骨Look，重要赤膊上陣，真係好搞笑！
讀者優惠：有嘢送
凡持本版報道到DVSHOP購買《蜘蛛俠》DVD，可獲贈套裝禮物一份，包括DVD碟袋、襟針、明信片×4及原裝電影海報。
地址：深水埗福榮街107號舖
電話：21949100