繼行政總監許仕仁之後，積金局又再有高層唔撈，噚日積金局喺報紙登招聘廣告，招請外事部主管。原本外事部阿頭關太，則另有高就。
其實關太最初任職政府新聞處，後來因緣際會調咗去財經事務局，做咗當時嘅局長許仕仁嘅新聞主任。老許跳槽去咗積金局，當然順手撬埋個得力助手過去。𠵱家老許退休做馬會董事，關太亦唔再戀棧積金局，聽聞已經答應去一間更大嘅公營機構做阿頭，係邊間就要賣個關子先。至於積金局呢個外事部阿頭位，要求都唔低，要有多年在政府或大型私人機構做公關宣傳嘅經驗，重要有能力解決非常棘手嘅難題，中英文唔使講要好，識普通話者會優先考慮。
傳真︰2623-9278
電郵︰