主動出擊累姊妹冇人吼
左慧琪、蔡潔雯最多洋漢撩

左慧琪、蔡潔雯、鐘子淇、保采芬及關伊彤前晚到蘭桂坊宣傳明珠台節目。左慧琪和蔡潔雯分別遭洋漢借故親近及被男士撩，可謂最受歡迎。而鐘子淇與關伊彤則較輸蝕，乏人問津。眾靚女事後皆表示洋漢只是出於禮貌，絕不介意。

左慧琪、保采芬、蔡潔雯、鐘子淇及關伊彤前晚以無綫明珠大使身份到蘭桂坊派單張宣傳。
幾位靚女穿上一樣的白背心制服，到蘭桂坊各酒吧派發宣傳單張。不少洋漢一見幾位靚女都口花花和眼甘甘，但她們並不害怕，還主動上前宣傳，以致被攬腰及借故親近。
其中以左慧琪和蔡潔雯兩個最主動及最受歡迎，相比起來，鐘子淇及關伊彤明顯乏人問津，但二人卻自稱遭人攬腰及被人撩。

耳邊細語
前晚左慧琪及蔡潔雯行最前頭，其間不少酒吧內的洋漢已探頭觀望，有一洋漢還對左慧琪大叫：「Comein,Babe!」左慧琪見狀只好笑着跟那人打招呼，後來大隊走入該酒吧後，竟有一外籍男子捉着蔡潔雯，靠近她耳邊說話，遠看像親吻一樣。事後蔡潔雯說：「唔係錫，佢同我講話好似喺Manhattan（曼哈頓）見過我，但我都冇去過Manhattan。」

「係禮貌嚟」
鐘子淇及關伊彤因為走在大隊後面，故較難吸引別人注意。
當宣傳行程結束後，鐘子淇自稱遭人攬腰，而關伊彤亦稱被人撩，但鐘子淇表示不會介意，她說：「當時太迫，好彩公關小姐幫我。都係宣傳活動嘛，都唔係博懵，外國人禮貌嚟啫。」
左慧琪則說：「人哋歡迎我哋入去，係禮貌嚟啫，唔算係撩呀。」而保采芬亦說：「啲人好熱情，咁多人喺度，冇人博懵。」
採訪、攝影：王連連