俗語有話「英雄最怕病來磨」，我Apple姐呢排見到羅文因為癌病瘦成咁，真係幾心酸，好彩佢身邊都重有好多人支持佢。 癌病中心輪候 話時話，我Apple姐都幾佩服啲抗癌勇士，好似劉家良劉師傅咁，佢都曾經患過cancer，好在𠵱家已經好得七七八八，面對風風雨雨，佢都依然咁堅強。 早排我去沙田一間癌病中心探醫生朋友，就見劉師傅一個人喺大堂輪候，佢着住T恤、短褲，雖然瘦咗好多，不過幾精神。好多病人去醫院都要人陪，但劉師傅獨來獨往，真係一條硬漢。