美股周四晚大反彈，杜指回升247點，收7533。嚴格而言，技術指標並無明顯改善，除非短期能守穩7500及重返8000之上。
港股前日跌得少，加上下周一重陽假期，恒指未有跟足美股強勁反彈，只升107點，收8965。若非滙豐（005）判高收82元，恒指升幅將不逾百點。港股不知不覺已連跌8周，共跌1300點，跌幅12.7%，但本周先低後高，只跌86點，周線陰陽燭出現陀螺待變，下周走勢十分關鍵，有機會以雙底回升，亦有機會再跌穿低位，繼續尋底，而美股走勢將起決定性作用。
趙飛雲仍持有恒指Call輪9552，當然係睇好下周反彈，20日線目前下降至9211，下周或有機會升破。噚日3隻恒指Call輪9406、9552及9553則以9552升幅最細，前兩隻Call輪分別升6.6%及5.1%，但9552只升1.6%，其實原因好簡單，9552前日跌得少，噚日大家拉平均。
3隻Call輪中，9406行使價10550，03年1月30日到期，除非港股重展新升浪，否則變廢紙機會較大，加上溢價過高，所以唔考慮。目前數據，9553略優於9552，兩者同係03年3月28日到期，9553行使價9000，恒指短期重返其上機會大，早前趙飛雲唔揀，主要交投唔夠活躍及槓桿率較細，但近日交投已有改善。不過，噚日9553引伸波幅已略高於9552，若下周港股反彈幅度較大，槓桿率較大的9552會跑贏9553。
趙飛雲