鍾逸傑太太追思禮，除咗政、經猛人，不少影壇明星也來送鍾太最後一程，包括成龍、陳自強、羅蘭，重有美人朱玲玲，一身素淨服飾，令人眼前一亮，原來朱玲玲和鍾太相識二十幾年。
不過，追思禮嚟咗兩位不速之客──法輪功學員。其中一位穿着大紅花衫，直闖教堂向阿董及煲呔遞法輪功資料，又追住嘉賓派傳單，學員FionaChing喺教堂內重把握機會要求同煲呔傾吓法輪功。誠哥被苦纏良久仍不肯接過單張，學員出到激將法：「唔接係你損失！」搞到誠哥差啲想開口反駁。
最醒係葉劉，佢眼角瞄到，就馬上轉身急急腳鬆人；梁愛詩、曾俊華則堅拒，夠晒政治正確。王永平、梁振英、李麗娟同鄭裕彤矇查查接咗，慢慢睇先知中招。
（圖）法輪功無處不在，煲呔曾離開時十分醒目，由差人擋駕。 仇志中攝
傳真︰2623-9278
電郵︰