男子組合「嵐」可以話係Johnny's事務所近年嘅鉅獻，五個喺Johnny'sJr.出身嘅成員，勝在肯做肯捱，keep住有大把工作，冧到一班好似我大口羅拉呢啲鍾意「童顏排骨仔」多過「童顏巨乳娘」嘅女fans。
前幾日落銅鑼灣，畀我買到嵐宣傳首次主演嘅新戲《Lifeishardbuthappy》嘅寫真集，成本電話簿咁厚！嵐嗰套新片玩青春勵志，故事係由V6成員井之原快彥提供。而本寫真集都幾巴閉㗎，由演員岡本健一負責攝影，拍低晒嵐一個月內每日趕戲嘅情況，大口羅拉除咗好鍾意佢哋學生哥同臭飛爆血look之外，成員之一松本潤着唐裝原來都好cute喎！
最玩嘢係本書特登釘得奇奇怪怪，好似日本《Flash》同《Friday》啲神秘鹹相咁，要𠝹開先有得睇，大口羅拉心急得滯即時要對本書「施暴」㖭。