環境運輸及工務局局長廖秀冬上任以來一派清純Look，點知噚日佢出席一個午餐會，喺演詞提到啲人唔重視食水資源，好多人都諗住啲水就算唔用，都會流入大海，所以一啲都唔珍惜；局長一時好㷫咁講咗句市井俗話：「Thisisbullshit（真係廢話）！」
佢話，十年內好快要面對水荒嘅問題，雖然話香港人有錢買東江水，但東江都受到廣東省不斷咁開發污染，每年啲污染物就向水源頭前進一百米，佢話條東江唔係好長，再咁落去真係好牙煙。
Bullshit這類粗俗說話，出自達官貴人嘅演詞中真係好少見，可見廖局長真性情嘅一面，亦從呢番肺腑之言，感受到佢對環保嗰種愛之深責之切之情。
傳真︰2623-9278
電郵︰