最唔想見到嘅事情，係四日內有兩個香港運動員要坐救護車入院。先係「珊珊」喺比賽中因腹痛入院，最新嘅係羅雅菁腳傷入院。之但係兩人同人唔同命，「珊珊」係入廠前已肯定得金，成功衞冕風帆后冠外，重俾團長許晉奎提名競逐亞運「MVP」，就算入廠都抵晒。
雅菁嘛，本來前日好哋哋喺自己最弱嘅項目攞個第三名，諗住噚日穩紮穩打就可以過關，點知中途受傷，白白無咗個獎牌。喺旁邊用住個長鏡對住佢嘅小記，亦戥佢唔抵。試諗吓，一個運動員有幾多個四年？佢重要係年紀唔細，又為咗呢個亞運同原屬北京武術隊嘅丈夫分隔兩地，齊齊為爭取參加今次亞運會而努力。
結果，先係老公落選，年初到美國搵食去。雅菁就跟着港隊到中國大江南北訓練、訓練再訓練，為的就係喺亞運會打出名堂。可惜事與願違。所以說不要小看每個企喺獎牌台上嘅運動員，他們背後所付出嘅努力可能係一個很驚天動地的故事。