「媽咪最堅遺傳畀超瓊」
超儀論盡何家淑女胸

何超儀（Josie）繼早前自爆不愛戴胸圍後，昨日出席MargueriteLee內衣show時，再公開評論家人胸部。Josie表示母親藍瓊纓胸部很大，但只遺傳了給胞姊超瓊及超鳳，更自言胸部最細很「蝕底」。

高級內衣品牌MargueriteLee昨日於尖沙嘴半島酒店舉行秋冬內衣展，由三位外籍女模穿上最新的性感內衣，包括玫瑰刺繡內衣、冶豔透視喱士胸圍、性感比堅尼、絲質睡衣等，令現場活色生香。而何超儀、葉童、琦琦及郭錦恩等均有到場欣賞。

靚內衣　曾被竊
早前透露不愛佩戴胸圍的Josie，看騷之餘大談她失內衣的經歷，她說：「我樣樣內衣包括喱士、T-back，乜款都有少少。有次我搬屋俾工人偷咗幾件MargueriteLee內衣，其中一件成六千蚊，好肉赤，有一排我索性唔着，唔益佢。」超儀還指她不少OL朋友愛穿性感胸圍，放工鬆開恤衫，即時引來狂蜂浪蝶。
問Josie是否家族遺傳致胸部細小？她即時高談闊論地說：「唔係，Pansy（何超瓊）個胸好鬼大㗎，Daisy（何超鳳）都得，我媽咪（藍瓊纓）重勁，佢好堅㗎！不過媽咪大胸遺傳晒畀Pansy，我排最細，去到我乜都冇，真係蝕底晒。媽咪條腰重犀利，未生仔紮咗腰得十四吋，生完細佬猷龍都係二十六吋咋！」

黑女模　誰爭鋒
Josie面對眾多僅穿內衣的美女時，神情頗不自然，尤其見到父親何鴻燊上次驚豔的黑人模特兒Thallyta時，似有尷尬神色，但她說：「邊有尷尬?!場show好好睇，睇到對眼好忙亂。」問她是否特別欣賞黑人女模特兒？Josie說：「佢又真係誰『乳』爭鋒嘅，可能佢係黑人特別堅挺，不過都好有台型。」