呢排八方幾乎日日都喺各大報紙，拜讀到前大律師公會主席湯家驊（圖）嘅鴻文，直陳《基本法》二十三條漏洞弊端，篇篇都係洋洋灑灑，重多數係中文。不過原來湯大狀嘅中文係「有限公司」，好多字都只識講唔識寫，「好似『彷彿』呢兩個字，我記得有個方字有個弗字，但唔記得係企人邊定木字邊。」湯大狀另一個疑惑係「歷歷在目」，諗來諗去都唔記得「歷」字有冇三點水。
大律師公會咁多人才，問人咪得囉！不過湯大狀竟然腼腆咁話，自己真係好多字都唔識，俾人知道好難為情。佢嘅解決方法之一就係口述，搵人寫。
傳真︰2623-9278
電郵︰