「支槍有槍瓜（彈輪），好似左輪，但槍管好粗，一睇就知唔似真槍」在大埔道開設水電工程舖的東主事後描述匪徒持槍打劫解款員的情形。
他昨日十時許如常到案發現場附近茶餐廳食早餐，當時正好尾隨兩名男子，再前面還有一名手提錢箱的解款員，突然間「兩個男人衝埋去，一個用槍指住個解款員條頸重㩒佢跪低，另外個男人就搶走個錢箱，我重未知係打劫，不以為意，照行入餐廳，淨係睇住個解款員雙手放喺個頭度跪地。」他說。
「當時一啲唔知驚，戴綠色CUP帽個賊見我望住佢，就拉低頂帽，不過，頂帽上邊有兩個窿，好似眼罩咁可以睇嘢，所以印象深刻，但就睇唔清楚個樣。」他因毫不在意會發生劫案，若無其事般步入餐廳，還將打劫情景繪影繪聲告訴相熟的夥計，但眾人還以為他講笑，直至大批持槍警員趕至才恍然大悟，他真的與劫匪有「一面之緣」。
本報記者