董建華出席答問大會，例牌有唔少蝦碌。第一個笑位，係當大家聽住特首重複講咗幾百萬次，話要香港成為「乜乜中心」，悶到瞌眼瞓之際，忽然聽到阿董話，香港要成為「女友中心」！全體記者即時醒晒。跟住，阿董重話香港要起多啲旅館，以配合「女友中心」，大家都即時有所聯想，笑到停唔到口。查實廣東話咬字唔多正嘅特首，想香港成為「旅遊中心」。
第二次蝦碌，係阿董介紹物流業發展時，一個唔小心翻亂咗份貓紙，唔知要講乜，惟有尷尷尬尬咁講：「我哋唔好講物流住」，好無厘頭咁開始講航空業買咗幾多架飛機，講完又講航海業。其實呢啲都係物流一部份，阿董真係唔多識執生。
傳真︰2623-9278
電郵︰