有傳將躋身藍籌之列的思捷環球，年內除了股價及盈利大幅上漲外，大部份董事酬金亦因為行使購股權而「水漲船高」。八方翻看思捷年報，發現該公司上年度董事酬金達三億元，增加百分之二百四十七點六！
雖然年報冇話邊個收得最多，但八方根據資料歸納得出，思捷主席、林青霞夫婿邢老闆應係最勁賺嘅一位，佢年內悉數行使其一千五百萬股購股權，以平均沽出價十三元二角及行使價三元九仙六計算，一鋪便賺一億五千萬元！佢嘅左右手ChhibberSurinder眼光更好，以平均價十四元五角沽出五百萬股，約莫賺了近六千萬元，其他兩個管理層亦以千萬元計算。咁嘅時勢下，公司董事有逾千萬元落袋，你都咪話唔盞！
傳真︰2623-9278
電郵︰