二人組合Twins成員蔡卓妍（阿Sa）和鍾欣桐（阿嬌）、陳冠希（Edison）及甄子丹，昨日在西貢為電影《千機變》苦練武功。
由於《千》片不乏動作鏡頭，阿Sa、阿嬌及Edison三人已經訓練了三日，Twins更每日苦練六個鐘頭，所以昨日兩人即場表演舞劍及吊威吔時，表現得有板有眼，贏得全場掌聲。連擔任動作指導的甄子丹也大讚說：「佢哋進步得好快，而且好快上手，所以會加番啲難度高嘅動作入套戲度。」
問Twins是否想憑此片轉型做打女？阿Sa說：「唔係，只係想樣樣都試吓，好似今次個角色都唔同，平時阿嬌喺戲中會好靜，但係今次就會調轉，我反而會係一隻鵪鶉。」
此外，有雜誌報道指Twins今年豬籠入水，所以結伴睇樓、睇「波子」，昨日阿嬌否認說：「就算第一次買車都唔會買波子，唔驚撞死自己咩！」
採訪：駱華齡
攝影：林德雄