本報噚日頭條報道「中環失意老闆」食二手飯，除引起不少人悲歎，更成為公關界熱門話題；事緣做該宗新聞嘅記者，喺中環訪問咗兩名市民，問佢哋點睇呢件事，其中一位好心的梁小姐答：「我好想了解吓佢嘅情況，或者叫碗麵畀佢食。」呢位梁小姐原來係公關界名人、有「煙花皇后」之稱嘅梁安妮（AnnieBentley）（圖）。
八方與梁安妮不算熟，這位公關界名人是BentleyPorterNovelli最高負責人，間公司由佢一手創立，傳聞廣告界名人謝宏中，外資公關公司DDBNeeham也有份。
其後，安妮將股權出讓予DDB，自己專心打工，DDB美國總公司後來同PorterNovelli合併，成為目前五大公關公司之一。至於梁安妮的綽號，則因以往每年的農曆新年煙花公關生意，幾全由其公關公司包攬晒，所以有「煙花皇后」之稱，但近年已不彈此調；手頭大客有麥當勞及生產「偉哥」的輝瑞藥廠。
梁小姐係港大舊生，同民政事務局常任秘書長李麗娟係同屆校友，與電盈副主席張永霖亦相當老友，有時重一齊唱Ｋ㖭。
傳真︰2623-9278
電郵︰