「𠵱家有間公屋住係好好多，不過呢度啲嘢樣樣都貴過舊屋，一對仔女又時不時要買補充練習，兩個加埋都要百幾蚊；遲啲又話要訂冬季校服。」三十二歲的阿梅說起眼前的經濟難關，不禁歎息道。
四年前，阿梅與較她年長二十歲的丈夫因為性格不合而離婚後，過着孤苦無助的單親生活，負起照顧一對五歲及七歲子女的重責，難以外出工作，惟有依靠綜援金維生。
月前三口獲配深水埗區一個公屋單位，終可遷離環境惡劣的板間房。
「搬屋使咗好多錢，𠵱家屋企嘅煤氣熱水爐都係分期付款，重有三期要供，每期千幾蚊，惟有問朋友借、同埋喺生活費度慳埋慳埋嚟交。」阿梅無奈地說。
阿梅繼早前獲蘋果基金善長捐助三千六百元後，近日續收到第二批善款一萬零三百元，阿梅對於善長一再援手，感動不已。
「真係好多謝廣大讀者咁熱心幫我哋，減輕咗我好大嘅負擔。𠵱家我哋三仔乸都係瞓一張雙人床，所以我打算用啲錢買張碌架床畀對仔女，希望佢哋瞓得舒服啲。」阿梅說。
捐款編號：C0512
暖流熱線
電話：29908688
傳真：23702192
電郵：
網址：