八方噚日去親台社團搞嘅雙十酒會，赫然發現雲大棉在座，佢係全國政協委員，點解會來慶祝台灣嘅國慶？雲大棉解釋，原來佢哋雲氏一族，同台灣都有好深淵源，有成籮神主牌供奉在台灣圓山忠烈祠，重講笑話，如果攞來當柴燒，煮好一餐飯都未燒得完。所以雲大棉年年都出席雙十活動。
咁佢祖先有乜功績呢？八方知道，雲大棉祖先，係元朝「征南大將軍」雲從龍，而雲太出身國民黨世家。雲大棉則話佢祖先曾在台灣對抗過日本仔。八方都幾佩服雲大棉咁大膽，今時今日，接觸得多親台團體，二十三條立法後分分鐘變成「從屬顛覆、分裂國家」罪人。
傳真︰2623-9278
電郵︰