董伯伯憂國憂民都可以咁肥，可能係同佢飲食習慣有關，事關董伯伯成日出席宴會，食埋啲山珍海味、豬扒、豬手、諸如此類。八方唔係發噏風，董伯伯真係食過豬手，係煲呔曾嘅前御廚于燕平師傅講嘅。
八方前日同大家介紹過于大廚嘅「香港特區宴」，噚日有幸品嘗到于師傅嘅手勢。佢親自示範咗三道菜：「三司十一局之真假難辨」、「煲呔蝦廚師」同「效忠董建華」。「三司」呢味係用雞蛋、甘筍、雲耳仿製蟹粉，佢話三司十一局都冇乜料到，一味識「扮蟹」，所以整道咁嘅菜嚟諷刺佢哋。「效忠董建華」就係用南乳燉豬手，董伯伯都喺煲呔屋企試過，咁當時當然唔係呢個名堂啦。
（圖）于大廚整咗三道菜，諷刺一班高官。
傳真︰2623-9278
電郵︰