不少港人喜北上購買單車，皆因即使是同一貨色，深圳的售價均比香港平一半以上。當中一些迷你摺合單車、越野及公路單車同樣受歡迎，想跟黃金寶鍊車？不妨睇睇以下推介啦！
記者：梁煒 攝影﹕陳昇
ImageGirl：JuneChan
「長福自行車商店」負責人古彩民，經營單車店舖已達8年，早年以收購舊單車維生，近年才專售全新單車。據古老闆稱，最近，可摺合的單車相當受港客歡迎，不少是男友買來送給女友的，貪其輕便又可用來做運動減肥；國產貨一般賣?350至?450，在港發售的摺車，同樣國產貨已需$900，比香港平足大截！
古老闆續稱：「可能近期香港賽車手在國際比賽上有頗佳成績，所以愈來愈多人選購高身的彎頭單車，不過就會逛多幾次才買；唔少港客買單車配件，如腳踏、牙盤或車座等，就算買車，亦會選擇較高檔的公路賽款單車，因為我哋有得訂做全鋁合金車架，全套裝備最貴都只係?1,600，比香港賣$3,000平足五成！」，難怪在羅湖經常見人推單車回港。
據了解，國內現時大熱XGames，即是用越野單車來作花式表演，不時有三五成群，聚集深圳歡樂谷一帶齊玩單車花式；而因這類越野單車備有避震彈簧，在深圳市內市外行走亦十分適宜。另外，較高檔的越野單車更有前後輪碟煞車系統，十分先進，即使賣至?1,600仍有許多男性車迷選購。
恨死唔少年輕人嘅無印摺車，香港要成二千幾蚊，類似國貨就只需四百幾蚊，足足平5倍。好似喺桂園路嘅單車舖，負責人歐添才先生透露，每逢周末，均有不少港客幫襯購買該舖附有避震嘅摺合式單車，每日平均賣出四、五部。
地址：深圳市羅湖區桂園路153號地下
電話：（86-755）25573042
營業時間：早上8:30至晚上10:30
交通：從羅湖關口前往，乘的士約10分鐘，車費約?14
地址：深圳市福田區舊區委大院東側門店8號
電話：（86-755）83252228
營業時間：早上8:00至晚上10:00
交通：從羅湖關口前往，乘的士約20分鐘，車費約?25