陳小春前晚往新城，接受顏聯武訪問，他除了大談舊愛張栢芝外，還自爆近日有新戀情。顏聯武在直播節目內踢爆上周與小春、許愿和一名女子一同到餐廳吃飯，顏聯武表示小春在席上為新女伴獻唱美國歌手BillyJoel的歌曲《Justthewayyouare》。
顏聯武更問小春二人開始拍拖沒有，小春說：「我努力緊，我哋大家都知有默契，嗰晚係我請佢去，最開心係嗰晚可以同佢一齊去。我有同佢講開始，當時燈光好暗，我又講Iwilltrymybest（我會做到最好）。」
小春談到對上一次戀情，他說：「我諗唔會用傷用痛去形容，係冇成功到啫。我唔會成日諗對上嗰次有幾痛，𠵱家會努力經營到成功。」顏聯武前晚在節目播出張栢芝的歌曲《賭愛》，小春說：「我有聽過，好特別，我會試唱一次。」
採訪、攝影：汪正文