講咗一排，若然車迷有留意報章廣告的話，都應該知道豐田代理，將會引入Facelifted新版Corolla車系。及至昨日亞Mark收到最新消息，話呢部新版Corolla會響今個周末，正式於各大陳列室展出㖭！
早前有好多車迷都想知道，呢部新版Corolla會有甚麼變動，除已知鬼面罩為新組合外，一雙明亮頭燈會改用HID設計，兼且重備有夜間自動開關功能；此外，唔少得重有雨滴感應水撥同加大碼嘅15吋合金胎軨配搭，還有全新改良嘅尾燈組合。講到車廂方面，除四周鑲有電鍍門柄外，另外重有湖水藍嘅透光表板設計，而頂級版型號除電天窗之外，重有四幅式半皮半桃木軚環㗎！至於新車售價卻沒有多大變動，標準版都不過賣10萬9千9起！想擁有至新一代豐田Corolla嘅朋友，就記得屆時去陳列室訂購喇！