劉嘉玲與男友梁朝偉經常各自各精采，不時約會朋友蒲夜店，而偉仔早前更被記者拍下與其他女性約會的照片，不過嘉玲並沒有為此而不快，強調自己的感情生活很正常。
劉嘉玲的前度男友羅兆輝昨日被法庭正式頒令破產，有傳嘉玲和梁朝偉現居的MayTower亦是羅兆輝送給嘉玲的，但這個消息並無損她的雅興。昨日嘉玲身穿一襲Escada黑色長裙出席在灣仔舉行的「莎莎榮獲ElizabethArden香港獨家代理之簽約儀式暨ardenbeauty香水揭幕禮」，同時她獲贊助免費使用該品牌的香水。
嘉玲與偉仔拍拖十三年，過去不時傳出兩人感情有變，本報日前更拍下嘉玲與偉仔在同一晚上各自約會朋友的照片，其後有雜誌指嘉玲為此事而爆粗。嘉玲昨日說：「我好似阿菲（王菲）一樣，好耐冇睇報紙、雜誌，都唔好睇嘅！我似唔似喺公眾場合講啲咁嘢嘅人？」她強調已甚少去夜街，因為怕受傳媒騷擾，反而愛躲在家中看電視。
當記者追問嘉玲有關偉仔「𠝹女」一事時，她即反問記者何為「𠝹女」？及後嘉玲說：「我對呢個問題唔回應，只要編嘅過癮、寫嘅開心，讀者睇得有興趣，冇所謂。」
對於外界一直關心他們的感情生活，嘉玲說：「呢啲問題講咗十三年，好悶呀！我想講多謝大家多年嚟都咁關心，我嘅感情生活好開心正常，希望一路開心落去！」
此外，陳妙瑛身穿一件火紅色貼身裙，手上戴了一隻二十多萬的FranckMuller鑽表到場，她說：「今年公司生意好，所以買呢隻表獎勵自己。」
採訪：魯萍
攝影：林德雄