名牌萬寶龍於金鐘頒發「2002萬寶龍成功企業女性大獎」，今屆三位得獎者包括趙金卿、蔣麗莉及雪肌蘭行政總裁陳小寶，每位得獎者獲贈價值六千元的萬寶龍Profile長方形腕表。
趙金卿上周六因感冒菌入耳住院，前晚帶病領獎，她又自爆早前在北京大學修讀政治及金融課程時有豔遇，她說：「上面都有人追我，有個高級律師同我好啱傾。我都覺得佢好吸引，印象好好，不過我個仔爆話嗰個男人係基佬。」
提到日前楊恭如飲茶被摑，與上海富商周正毅太太毛玉萍是好友的趙金卿說：「肯定唔係毛小姐做，佢咁斯文點會啫？我哋都好耐冇見面。楊恭如就住我隔籬座，不過冇乜見佢出入。」