錯過機會見成龍
Yumiko等老闆安排飯局

英皇新人三T小花之一的鄭希怡（Yumiko）跟成龍傳緋聞，並有「龍嫂」之稱。日前Yumiko因有工作在身，缺席成龍新片首映。至於可會約成龍吃飯，Yumiko的經理人Kitty表示會由老闆楊受成安排。

容祖兒、陳奕迅、Twins的鍾欣桐和蔡卓妍、陳冠希、英皇新人三T的鄭希怡（Yumiko）、蔣雅文（Mandy）和劉思惠（Maggie）等，前晚往尖沙嘴出席新片《魂魄唔齊》首映，電影公司又特別花費數萬元安排長洲「飄色」隊伍前來表演。

會捧成龍場
Yumiko曾向人展示成龍送給她的名表，所以有「龍嫂」之稱。成龍主演的荷李活電影《特務踢死兔》日前舉行首映，不知Yumiko是否避嫌缺席，她前晚解釋說：「我要試造型同錄音，所以去唔到。我有時間都會睇大哥（成龍）套戲，其實我同佢傳緋聞都好冤枉。」Yumiko的經理人Kitty則說：「睇吓楊生（楊受成）夾唔夾得啱時間一齊食飯，唔會刻意安排飯局。」
容祖兒談及現正還押壁屋懲教所等候宣判的謝霆鋒時說：「我都好掛住佢，大家簽咗張卡畀霆鋒，我重寫咗我愛你。」

阿嬌減工作
而Twins的鍾欣桐（阿嬌）日前被發現到養和醫院看醫生照肺，她說：「我想咳，但係又咳唔到，我擔心有肺炎。醫生同我照過肺，話我右邊有啲唔清楚，開咗藥畀我食。早排做演唱會吊威吔令到我屁股啲肉好痛，我會去睇醫生。」
英皇知阿嬌身體抱恙，為了讓她多休息，近日只安排她為新片《千機變》練功夫。

「晚晚都見」
此外，成龍在昨晚播出的無綫節目《娛樂大搜查》中談及他和Yumiko的緋聞，他說：「冇所謂啦，真係冇所謂，都慣晒啦。」
節目主持人再問成龍是否認識Yumiko？成龍說：「識，晚晚都見，同容祖兒嗰啲。」
採訪：馮美茵
攝影：林德雄