1.要知道大閘蟹是否靚貨，除了留意蟹的眼晴要夠精靈之外，重可以將其反轉，睇蟹爪部份，若關節位略凸出呈飽滿，即表示蟹夠肥美，食得過。
2.另外，亦要留意用於紮蟹之水草，若霉爛兼且帶深色，蟹有可能已擺放很久，不夠新鮮。
根據成隆行老闆蔡先生話，今年大閘蟹的質素較往年佳，售價大約平一成左右。老闆話：「呢段時間最好食6両重嘅太湖大閘蟹，價錢大約售$280一斤，啲膏又多，肉質又甜，呢啲質素嘅大閘蟹，去年要賣成$320一斤！」
太湖蟹質勝陽澄湖蟹：
據上海老三陽的祈小姐說，港人一向追捧的陽澄湖蟹，近兩年的質素開始下滑，她說：「因為當地嘅水質受到污染，加上當地人養殖過多嘅蟹，形成啲蟹瘦身唔夠靚。因此江蘇省內的太湖，所出產的靚大閘蟹便乘勢彈出。」