前晚白韻琴、羅慧娟、名模Rosemary與母親Julie等，在金鐘出席新片《貼身恐懼》首映。白姐姐早前曾因逃稅入獄，她表示近日都很關心謝霆鋒入獄的新聞。
白姐姐前晚單獨到場，她說：「我同阿Paul（謝偉俊）嗌交，我嚟睇吓有冇壯男。𠵱家我比當日入獄時肥咗二十五磅。」對於霆鋒現在還押壁屋懲教所，白姐姐說：「我都唔方便去探佢，不過佢嗰日入獄，《蘋果》影佢嗰張相好型仔，佢個樣好不滿，重正過占士甸。我𠵱家都有研究相學，發覺霆鋒同王菲嘅命相真係好夾。」
此外，羅慧娟近日聲音沙啞，她說：「我已飲蜜糖水同涼茶，但都係開唔到聲。」
採訪、攝影：駱華齡