華燊燃氣（8035）前日急跌24%，噚日就反彈15%，原來有間歐資行幫華燊搞咗個電話會議，企圖穩定人心，所以股價先至反彈。
經紀黃勸小初咪亂掂民企，佢話多得歐亞（932）唔少，人人對民企股信心大失，全線民企股跌勢已成，華燊反彈亦唔慌耐。不過，華燊噚日升15％，收92仙，成交金額有成1667萬元，真係近期少見。
經紀黃話，華燊之前曾經被抦過股份過份集中，但多得民企熱潮幫助，大陸炒家成功將好多貨源沽畀芬佬。前日急跌，相信係有芬佬騰雞沽貨所致。但華燊老闆在電話會議中，就話自己唔明點解股價下跌，重表示公司盤生意依然好掂。
Anyway，肯定噚日有部份外資芬佬相信呢個故事，所以股價先至升得咁急。不過，早排股價一度急插嘅大成生化（809），也曾在電話會議後一度急升，不過升勢唔持久，始終市場力量難抵擋。
慕容小初