便利店賣飯盒搶外賣客，超級巿場減價搶街巿客，快餐店減價搶晚飯客，小老闆話呢幾年被大財團迫到透唔到氣。
喺沙田曾引起排隊熱嘅無印良品，下個月第二次重回尖沙嘴再戰江湖，喺新港中心地庫桌球室舊址開新舖，租埋地面舖位做倉認真豪。
訴苦Sam話無印入番尖沙嘴，可帶旺成個場，對小店舖生意肯定有幫助，起碼人流都多咗，理應好事，點解會變成迫到小舖老闆透唔到氣？
經紀李解釋：「冇錯，個場旺咗，生意自然好，搵銀自然多，最弊連大業主亦係咁諗，既然個場旺咗，加租亦好合理，到時變成小老闆負擔又重咗，要諗多啲計提高生意額，風險又高咗。
「到最後，小老闆就會諗，其實乜都冇發生過咪好囉，做乜人哋發財變成要我捱埋一份？所以𠵱家做小生意真係難㗎。」
主持人：大食Jack
八卦熱報：