招聘雜誌《Recruit》的母公司熊貓-Recruit收購戰一浪接一浪，八方收到線人報料，話熊貓行政總裁周融同收購者之一的劉竹堅，噚日約咗喺香港會食晏，唔知係咪講數。雖然無法問到周劉二人傾乜嘢，但一位在場人士話中間出現一個小插曲，就係殺出咗個程咬金「鄭大班」鄭經翰。
據悉，「大班」一見到二人同枱吃飯，即刻走埋去指住劉竹堅，大大聲同周融講：「唔好理佢。佢會踢你走㗎！」周劉二人搞到幾尷尬。線人重話當時現場不乏猛人，包括財爺阿松，同埋即將離任嘅積金局行政總監許仕仁，都望住佢哋。
傳真︰2623-9278
電郵︰