近期，龐大嘅北美市場盛行豪華SUV，繼平治M-Class、寶馬X5同凌志RX300之後，嚟緊重有保時捷、福士同富豪嘅新車。至於日本另一大廠嘅日產，向以Infiniti車系響北美市場，亦佔上一席位同唔錯嘅口碑，據知來年（2003年）嘅秋季，廠方會推出一款暫名為FX-45嘅大型SUV，矛頭會直指寶馬X5。
呢部新車有劃時代嘅造型之餘，響4800×1950×1650mm嘅車體下，重裝有一台4494ccV8DOHC偈，不但可有強悍嘅340ps/6400rpm馬力，以及46.3kgm/4000rpm扭力輸出外，新車重好講求靈巧穩紮嘅操控性，低重心高性能嘅底盤及懸掛組合，相信會帶出有一新耳目嘅體驗。有興趣嘅朋友，就要密切留意確實推出日期喇。