曾志偉日前被本報撞破他到夜總會消遣時對記者拳打腳踢，前晚他在電視城講大話自辯，指不知追訪他的是記者，更表示去年他遇襲後，每次去蒲見有人突然撲出，杯弓蛇影，才有自然反應保護自己。
曾志偉主持的無綫遊戲節目《吾係獎門人》前晚在電視城錄影，張慧儀、王青（大口青）、蘇志威和梁雪湄等人任嘉賓，志偉的太太亦罕有地捧場。
上周三凌晨志偉因不滿被記者撞破他往尖沙嘴聲雅廊卡拉OK夜總會消遣，怒打本報記者，他前晚回應說：「唔係，冇啲咁嘅事。首先我嗰晚冇飲酒，我約朋友傾嘢啫。我好想同大家講，夜晚千祈咪撲出嚟，同我影相要講聲先。記得舊年都係差唔多時候，試過有人喺我左邊撲出嚟，咁就整傷我個頭，真係好危險。」
志偉續說：「前幾日我舉起隻手都係想保護自己，傳媒以後想影相就要表明身份。」其實本報記者當時拿着相機和攝錄機，志偉實在沒有可能誤認記者的身份，加上當時志偉追着打記者，根本不是自衞。志偉又表示去年的受傷事件，至今對他仍留下極大陰影，因為杯弓蛇影，日前他才有自然反應。志偉說：「呢啲係我嘅自然反應，記者影相要同我講聲先，否則跟住唔知有乜嘢反應。」
此外，張慧儀前晚與大口青同組玩遊戲，她表現十分抗拒，尤其二人玩啜乒乓球時，她大叫之餘又處處閃避。而大口青做「收縮」動作時，把手放在下體，動作不文。問張慧儀是否嫌棄大口青？她說：「唔係怕佢，係自然反應，我見到佢依起棚牙，就有呢啲反應。」
採訪：卓寶花 攝影：陳慧安