八方上日寫過恒生名譽董事長利國偉增持恒生股票，有友好就好關心利Sir嘅身體狀況。
八方打聽到，利Sir自從今年初中風入院後，已經奇迹地慢慢康復。去探過佢嘅人形容，次次見到利Sir都開心啲。雖然佢重未出得院，但係已可以在牀上同大家閒聊，又開始由人扶住落下地，做吓物理治療。
當然利Sir重磅，做運動較吃力，但係佢頭腦非常清醒，簽個名買股票肯定冇問題，講嘢就要慢慢嚟。有咁嘅成績，利家上下都好開心，要多謝醫生悉心照顧。
（圖）利國偉正在康復，但仍要住院療養。 資料圖片
傳真︰2623-9278
電郵︰