陳慧琳（Kelly）昨日穿上Dolce&Gabanna秋冬背心及短裙，一身性感look出席商台舉辦的「尊重知識產權」記者會，她會擔任隊長率領何韻詩及陳曉東等人於下月九日舉行「真」「正」音樂會。
日前Kelly洩漏口風，透露會續約正東，昨日她親口承認會與正東續約兩年。談及續約條件是否如外傳般依舊約再加一千萬，其經理人鍾珍在旁即說：「係保持舊價，𠵱家市道咁差，冇減到價已經好好。」
至於為何選擇正東，鍾珍說：「係黃柏高建議，因為佢暫時忙於經理人同電影嘅工作，驚耽誤我哋，而且正東有晒Kelly舊歌嘅版權，方便出精選碟同發展國內市場。」
問Kelly會否因與黃柏高的合作關係停止而感到可惜？Kelly笑說：「好感激佢呢七年照顧，但大家重係朋友兼成日都見，邊會唔捨得！」