3G電話立體logo曝光 - 李八方

  3G電話立體logo曝光 - 李八方

和黃第三代流動電話服務(3G),上個星期已在英國推出。由於要保密,加上首批手機都係畀自己友試用,所以迄今都見唔到手機個樣,不過噚日個logo(圖)就曝咗光。
個3字嘜頭睇落有的Cyberfeel,有七種顏色咁多。和黃解釋話,唔同顏色唔係代表唔同國家,而係因為個標誌係立體的,專為「螢幕世界」而設,會不斷變色,係冇色變之媒體,就固定為:紅、橙、黃、綠、藍、紫同黑白。
咁個商標代表乜?佢地話係「外冷內熱」,外面一個立體鈦金屬外殼,代表實用;內部蘊藏一系列顏色,代表所有能帶來樂趣既事物,好有活力,亦好個人化。至於點解以「3」名命,和黃就話因為簡單易明,無語言、文化及科技的障礙;且3亦係幸運號碼,大吉大利。


傳真︰2623-9278
電郵︰[email protected]