八方噚日知道有間公司即將上市，本來冇乜特別，但睇真啲呢間名為慧峯集團的公司，主席係前立法局議員潘國濂；副主席係自由黨前黨魁李鵬飛；行政總裁則是潘樹人，即係潘國濂之子。
據知，呢間公司九八年成立，但八方記得，當時潘氏父子在科網熱潮期曾搞過一間科技公司，叫做SAR1.com，核心業務為開發互聯網產品，最出名係在本港推出網上電台及網上微付款系統。不過，科網潮退卻後，呢間公司便相當低調，相信係慧峯的前身。
慧峯做啲乜？原來同八方好有關係，佢搞緊美國《Newsweek》雜誌的中文版《新聞週刊》的特輯，首兩期已喺中、港及台灣發行。
傳真︰2623-9278
電郵︰