前布政司鍾逸傑嘅夫人鍾紫燕周日喺瑪麗病逝。頓失老伴，鍾叔非常傷心，聲音也變得沙啞了，好彩有愛女回港相伴。
鍾逸傑夫婦出名恩愛，舊年七月，因政府收地被迫遷離位於青山公路嘅龍景別墅。八方當時探望過佢哋，那時候鍾太已身患頑疾，消瘦多了，鍾叔小心翼翼到樓上請太太下來一起拍照，關懷備至之情，令人感動。
追悼儀式呢個星期五中午十二時係中環花園道聖約翰大教堂舉行，遺體會送柴灣歌連臣角火化。
鍾太生前同女童軍結下不解之緣，鍾叔話，佢四三年已經喺英國當女童軍，生前係香港女童軍總會副會長。應鍾叔一家嘅要求，女童軍總會特別成立「鍾紫燕基金」。鍾叔請大會唔好花錢買花，不如捐畀基金作慈善用途。他相信呢個會係鍾太嘅意願。至於以後，鍾逸傑話，大部份時間仍會留係香港，「香港咁多問題，希望幫得到幾多就幾多。」
（圖）鍾逸傑夫婦去年七月在舊居合照。資料圖片
傳真︰2623-9278
電郵︰