香港時裝界近年在國際嶄露頭角，名模陳嘉容早前在巴黎時裝節為法國品牌Lanvin行天橋，令她躋身國際模特兒行列的夢想成真。昨日，伊人往銅鑼灣出席活動時，暢談巴黎之行的軼事。 部份相片由陳嘉容提供
國際時裝盛事巴黎時裝節（ParisFashionWeek）在巴黎舉行得如火如荼，本港時裝生力軍在當地展示力量，名模陳嘉容（Eunis）日前遠赴巴黎，為人氣急升的法國名牌Lanvin行天橋，躋身國際女模行列。
Eunis昨日剛自花都巴黎返港，隨即出席美容護膚品代理Boots記者會，她說：「我喺巴黎行show真係大開眼界，事前做fitting（度身）都做咗三日，最後又要由舵手設計師AlberElbaz逐一檢視每個model，真係好認真、好壯觀，當時覺得自己只係smallpotato（小角色）。」
早前又曾在倫敦時裝節行show的Eunis形容巴黎之行十分難忘，她回憶當日盛況時說：「行呢個show真係一世難忘，係我一世人行過最長嘅天橋。出場時行三百米，返後台又三百米，我着住件入膊拖地長裙，對高跟鞋成六吋高，行完之後成隻小腿都好痛，不過都好值得，終於可以喺時裝王國行show，總算達成夢想。」
面對同場出名的supermodel，Eunis在後台變成小fans，她說：「Chanel今季嘅廣告女郎KarolinaKurkova、黑人名模AlekWek同埋Yasmin我都見過，佢哋好nice，佢哋好好奇我係來自香港，佢哋話香港model喺巴黎真係絕無僅有。」