今時今日社會資訊發展日新月異，白鴿黨都算跟得緊時尚，上個禮拜佢哋先搞咗個電子月報，畀市民隨時上網可以睇佢哋做咗乜嘢，噚日佢哋又搞新意思，喺𠵱家全港九嘅地鐵都可以免費攞到嘅《都市日報》，用全版廣告形式刊登佢哋嘅工作報告，向市民作交代。
八方聽講，今次好似係第一次有政黨喺《都市日報》落咁大版嘅政治廣告，而白鴿黨今次宣傳行動都唔少嘢，要使十幾萬，呢個工作報告廣告會一連兩日刊登，即係今日都有得睇。白鴿黨老友話，雖然使唔少錢，但好多市民都可以免費睇到，影響好大㗎，好過自己周街去派啦！不過唯一不足嘅，就係新界嘅居民就可能睇唔到，因為新界重未有地鐵。
傳真︰2623-9278
電郵︰