【本報訊】發生挾持人質的上水新成路是石湖墟繁鬧地方，當警員及歹徒挾着裸體鳳姐慢慢退到街上，四周數十名路人好奇地駐足圍觀，轉瞬間對面馬路也站滿人，大家屏息注視。數秒間便看到勇警長空手奪刀，其他探員衝前制服匪徒，雖然沒有掌聲，各人不禁鬆一口氣。隨着不少人四處打聽發生甚麼事，開始議論紛紛。
「𠵱家做妓女都唔容易，你估淨係攤響度就搵到食咩？人地為賺取二、三百元肉金已經卑躬屈膝，無奈再遇到呢啲無良歹徒，『歎』完重要打劫……簡直離晒譜。」許多街坊都不齒歹徒所為，並形容匪徒正人渣！
數名水電工人甚至不好意思地推說：「我地乜都睇唔到。」
北區區議員陳興福表示：「石湖墟新豐路、新成路、新祥街、符興街一帶近年已淪為『小砵蘭街』，主要因為港人愛上深圳消費之後，新界北開始百業蕭條，諷刺是惟獨一樓鳳蓬勃，最鼎盛時期多逾四十間，後因客源不繼減少至目前的廿七、廿八間左右。」
亦有街坊說：「有鳳姐為防匪徒，佢哋每人每月以一千或數百元聯合僱請保鑣，亦有嫌貴而打『單泡』，或者請上年紀嘅婦人兼作清潔和把風。」