港台噚日搞咗個「晨光Keepfit情報集」，立法會議員劉千石、蔡素玉同陳婉嫻，加埋民政事務局局長何志平，一齊宣傳健康資訊。三個議員唔怕公開自己嘅腰、臀圍、脂肪比重等數字，不過身形明顯較為「富泰」嘅何志平，就唔敢上磅，只肯同大家一齊玩踏板運動。
相比之下，蔡素玉都算唔話得，雖然現時佢係有史以來最肥，腰圍達三十三吋，體重一百四十四磅，脂肪比重同體重指標都超標，但都頂硬上，最多度腰圍時盡力挺胸收腹。阿石同嫻姐就標準好多，阿石只係血壓稍高，𠵱家每日只食晚飯，重透露請教過同樣每日只食一餐嘅楊永強，楊醫生話無問題。為咗健康，阿石重食緊一隻用靈芝提煉嘅中藥同維他命丸。 曾顯華攝
傳真︰2623-9278
電郵︰