英文《中國日報》香港版，噚日慶祝創刊五周年酒會，特首、高官及中聯辦、外交部官員紛紛到賀，原本係記者「搵食」嘅好機會，點知君悅保安對付記者如同對付恐怖分子，大會又不停播放交響樂，重搵埋男高音莫華倫獻唱，記者想同嘉賓靜靜雞談吓心，真係難過登天。
好彩卒之捉住孫明揚，問政府會點托樓市？但孫公重滑過泥鰍，大家圍攻多時都唔漏口風。當轉個彎，問到預計年底出爐嘅穩定樓市措施搞成點，孫公馬上拍吓心口，作害怕狀：「已經十月啦，你提起我都心驚膽跳！」咁又過骨。
《中國日報》在港大張旗鼓慶祝；另一邊廂，《文匯報》，就加入「唱衰香港」行列，做卧底體驗內地客參加嘅香港遊，頭版大字標題「香港沒甚麼好玩!」須知《文匯報》在內地好銷得，香港旅遊業界真多得佢唔少。
傳真︰2623-9278
電郵︰